خواجہ یونس قتل معاملے میں ملوث پولس والوں کی ملازمت میں شمولیت توہین عدالت

خواجہ یونس کی والدہ کو حکومت ایک لاکھ روپیہ معاوضہ دے، پولس کمشنر کی جانب سے جواب موصول نہ  ہونے پر جمعیۃ علماء نے ہائی کورٹ میں پٹیشن د...

خواجہ یونس کی والدہ کو حکومت ایک لاکھ روپیہ معاوضہ دے، پولس کمشنر کی جانب سے جواب موصول نہ 
ہونے پر جمعیۃ علماء نے ہائی کورٹ میں پٹیشن داخل کردی،23 جون کو سماعت متوقع : گلزار اعظمی

ممبئی 22

خواجہ یونس قتل معاملے میں ملوث چار پولس والوں کی ملازمت پر بحالی کو آج جمعیۃ علماء مہاراشٹر نے خواجہ یونس کی والدہ کی جانب سے ممبئی ہائی کورٹ میں چیلنج کردیاہے کیونکہ سات دن گذر جانے کے باوجود ممبئی پولس کمشنر نے توہین عدالت کی نوٹس کا جواب نہیں دیا جس کے بعد ممبئی ہائی کورٹ میں توہین عدالت کی پٹیشن داخل کردی گئی ۔

توہین عدالت کی پٹیشن میں پولس کمشنر آف ممبئی پرم ویر سنگھ،پرنسپل سیکریٹری ہوم ڈپارٹمنٹ امیتابھ گپتا،اسٹیٹ سی آئی ڈی،روویو کمیٹی اور حکومت مہاراشٹر کو توہین عدالت کا مرتکب بتایا گیا ہے اور ان سے مطالبہ کیا گیا ہے کہ وہ چاروں پولس والوں کو نوکری پربحال کرنے کے لئے خواجہ یونس کی والدہ کو ایک ،لاکھ روپئے معاوضہ دیں اور پولس والوں کو فوراً نوکری سے معطل کریں ۔ اس پٹیشن کی سماعت ممبئی ہائی کورٹ کی دو رکنی بینچ کے جسٹس شندے اور جسٹس آہو جہ کے رو برو 23جون کو متوقع ہے ۔

واضح رہے کہ ممبئی گھاٹکوپر بم دھماکہ معاملے میں ماخوذ کیئے گئے پربھنی کے ملزم خواجہ یونس (سافٹ وئیر انجینئر)کی پولس حراست میں ہوئی موت کے ذمہ دار پولس والوں کو سی آئی ڈی کی تحقیقات کے بعد ملازمت سے معطل کردیا گیا تھا لیکن گذشتہ دنوں ان پولس والوں کو ملازمت پر بحال کردیاگیاجس کے خلاف عوام میں بے چینی بڑھ گئی، پولس والوں کی ملازمت پر بحالی کی خبر ملنے کے بعد جمعیۃ علماء کے توسط سے خواجہ یونس کی والدہ کی جانب سے ممبئی پولس کمشنر پرم ویر سنگھ اور ہوم ڈپارٹمنٹ کو توہین عدالت کانوٹس بھیجا گیا تھا ، نوٹس میں کہا گیا تھا کہ اگر سات دن کے اندر ان پولس والوں کو ملازمت سے معطل نہیں کیا گیا تو ممبئی ہائی کورٹ سے رجوع کیاجائے گا لیکن سات دن کا وقت گذر جانے کے باوجود پولس کمشنر کی جانب سے کوئی جواب موصول نہ ہونے پرآج دسویں روزممبئی ہائی کورٹ میں توہین عدالت کی پٹیشن داخل کردی گئی ۔

جمعیۃ علماء کی درخواست پر سینئر ایڈوکیٹ مہیر دیسائی بحث کریں گے جبکہ پٹیشن ان کی نگرانی میں ایڈوکیٹ چیتن مالی،ایڈوکیٹ شاہد ندیم اور ایڈوکیٹ کریتیکا اگروال نے تیار کی ہے جس میں تحریرکیا گیا ہیکہ 2004 میں ممبئی ہائی کورٹ نے حکم دیا تھاکہ خواجہ یونس قتل معاملے میں ملوث پولس والوں کو ڈسپلینری انکوائری کا سامنا کرنا ہوگا لیکن اب تک ان کے خلاف کوئی کارروائی نہیں کی گئی اس کے باوجود پولس والوں کو ملازمت پر بحال کردیا گیا جو توہین عدالت ہے ۔

پٹیشن میں مزید لکھا ہیکہ 2004 میں خواجہ یونس کے والد نے ممبئی ہائی کورٹ میں خواجہ یونس کے ساتھ پولس زیادتی اور اس کے غائب ہوجانے کی شکایت کی تھی جس کے بعد ممبئی ہائی کورٹ نے ان چارو ں پولس والوں کو معطل کرنے کے ساتھ ساتھ ان کے خلاف انکوائری کا بھی حکم دیا تھا لہذا اگر پولس کمشنر کو انہیں ملازمت پر لینا ہی تھا تو پہلے ممبئی ہائی کورٹ سے اجازت لی جاتی لیکن انہوں نے ایسا نہ کرکے عدالت کے حکم کی خلاف وزری کی ہے جو توہین عدالت ہے ۔

ممبئی ہائی کورٹ میں توہین عدالت کی پٹیشن داخل کرنے کے بعد جمعیۃعلماء مہاراشٹر (ارشد مدنی) قانونی امداد کمیٹی کے سربراہ گلزا ر اعظمی نے کہا کہ ممبئی پولس کمشنر کی جانب سے کوئی بھی جواب موصول نہ ہونے پر ہم نے ممبئی ہائی کورٹ سے رجوع ہونے کا فیصلہ کیا، کیونکہ ممبئی پولس کمشنر نے چاروں پولس والوں کو ملازمت پر دوبارہ لیکر عدالت کے فیصلہ کی خلاف ورزی کی ہے جو توہین عدالت ہے ۔

گلزار اعظمی نے کہا کہ اے سی پی سچن وازے، کانسٹبل راجندر تیواری، راجا رام نکم اور سنیل دیسائی کو ملازمت پر لے لیا گیا ہے جبکہ سی آئی ڈی نے ان کے خلاف چارج شیٹ داخل کی تھی او ر فاسٹ ٹریک عدالت میں چلنے والے اس مقدمہ میں ابتک صرف ایک گواہ کی گواہی عمل میں آئی ہے ایسے میں ان پولس والوں کی ملازمت پر بحالی سے خواجہ یونس کی فیملی سمیت انصاف پسند عوام کو صدمہ پہنچا ہے جس کے خلاف جمعیۃ علماء ممبئی ہائی کورٹ سے رجوع ہوئی ہے ۔

واضح رہے کہ23 دسمبر 2002 کو خواجہ یونس کو 2، دسمبر 2002 کو گھاٹکوپر میں ہونے والے بم دھماکہ کے الزام میں گرفتارکیا تھا جس کے بعد سچن وازے نے دعوی کیا تھا کہ خواجہ یونس پولس تحویل سے اس وقت فرار ہوگیا جب اسے تفتیش کے لیئے اورنگ آبا دلے جایا جارہا تھا حالانکہ سی آئی ڈٖی نے سچن وازے کے دعوے کی نفی کرتے ہوئے معاملے کی تفتیش کے بعد ان پولس والوں کے خلاف خواجہ یونس کو قتل کرنے کا مقدمہ قائم کیا تھا جو زیر سماعت ہے ۔

COMMENTS

loading...
Name

Agra Article Bareilly Current Affairs Exclusive Hadees Hindi International Hindi National Hindi News Hindi Uttar Pradesh Home Interview Jalsa Madarsa News muhammad-saw Muslim Story National Politics Ramadan Slider Trending Topic Urdu News Uttar Pradesh Uttrakhand World News
false
ltr
item
TIMES OF MUSLIM: خواجہ یونس قتل معاملے میں ملوث پولس والوں کی ملازمت میں شمولیت توہین عدالت
خواجہ یونس قتل معاملے میں ملوث پولس والوں کی ملازمت میں شمولیت توہین عدالت
https://1.bp.blogspot.com/-86oXZlC6UMA/XuC9-0DBAAI/AAAAAAAAheU/CJVIkJcs-eIATjz71IavIITCWZQEEV2bACPcBGAYYCw/s640/Gulzar-ali-l.jpg
https://1.bp.blogspot.com/-86oXZlC6UMA/XuC9-0DBAAI/AAAAAAAAheU/CJVIkJcs-eIATjz71IavIITCWZQEEV2bACPcBGAYYCw/s72-c/Gulzar-ali-l.jpg
TIMES OF MUSLIM
http://www.timesofmuslim.com/2020/06/blog-post_206.html
http://www.timesofmuslim.com/
http://www.timesofmuslim.com/
http://www.timesofmuslim.com/2020/06/blog-post_206.html
true
669698634209089970
UTF-8
Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy