علی گڑھ، 29/نومبر: علی گڑھ مسلم یونیورسٹی (اے ایم یو) کے بی ایس سی(آنرز)،بی کام(آنرز) اور بی اے(آنرز) کے داخلہ امتحانات آج اے ایم یو سمیت م...
پہلے میقات میں بی ایس سی (آنرز) اور بی کام (آنرز) کا داخلہ امتحان صبح دس بجے سے دوپہربارہ بجے تک منعقد ہوا۔بی ایس سی(آنرز) کے داخلہ امتحان کے لئے 17633/امیدوار
وں نے فارم جمع کئے تھے جن میں سے 8159/امیدوار امتحان میں شامل ہوئے۔
بی کام(آنرز) کا داخلہ امتحان بھی صبح دس بجے سے دو پہر بارہ بجے تک اے ایم یو میں بنے امتحانی مراکز کے علاوہ لکھنؤ(یو پی)، کولکاتا(بنگال)، سری نگر(کشمیر)، پٹنہ(بہار) کوزی کوڈ(کیرالہ)اور گوہاٹی(آسام) میں واقع امتحانی مراکز پر پُر امن ماحول میں منعقد ہوا۔ بی کام (آنرز) کے داخلہ امتحان کے لئے 5939/ امیدواروں نے داخلہ فارم جمع کئے تھے، جس میں سے 2880 /امیدوار امتحان میں شامل ہوئے۔ علی گڑھ اور دیگر مقامات پر بی ایس سی داخلہ امتحان کے لئے مجموعی طور سے 54، اور بی کام کے لئے 17/مراکز مراکز بنائے گئے تھے۔
دوسری طرف بی اے (آنرز) کا داخلہ امتحان سہ پہر تین بجے سے پانچ بجے تک اے ایم یوسمیت دیگر ریاستوں میں بنائے گئے امتحانی مراکز پر منعقد ہوا۔ اس داخلہ امتحان کے لئے13509/امیدواروں نے فارم جمع کئے ہیں۔
کنٹرولر امتحانات مسٹر مجیب اللہ زبیری نے بتایا کہ داخلہ امتحانات نہایت پُر امن ماحول میں منعقد ہوئے۔یونیورسٹی حکام نے مختلف امتحانی مراکز کا دورہ کیا۔
اسی اثناء امیدواران اور ان کے سرپرستوں کی رہنمائی کے لئے یونیورسٹی کیمپس میں مختلف مقامات پر اے ایم یو کی این ایس ایس اکائی کے ملازمین نے این ایس ایس کے پروگرام کو آرڈینیٹر ڈاکٹر ارشد حسین کی قیادت میں امدادی کیمپ لگائے جن میں مقامی و بیرونی امیدواران کی ان کے مراکز سے متعلق رہنمائی کی گئی۔ اس موقع پر کووِڈ 19 سے متعلق رہنما ہدایات کا دھیان رکھا گیا۔
